Mundialmente e síndrome di demencia ta wordo mira como un di e causa di mas significante di crisis den sector social y sector di salubiridad. Ta wordo premira cu pa anja 2050 e cantidad di persona cu demencia lo aumenta mas cu 3 vez e cantidad actual. E estudio “ Women and Dementia” (ADI 2015) ta indica cu mundialmente e ser femenino ta wordo mas afecta dor di esaki. Tin mas hende muher ta biba cu demencia compara cu hende homber. E prevalencia ta mas halto, nan tin mas riesgo pa desaroya un demencia y cerca e ser femenino frequente vez e symptomanan ta mas pisa compara cu hende homber. Na Aruba e cantidad di persona cu demencia tambe aumenta y lo sigui aumenta. E síndrome di demencia ta trece cune entre otro cambio permanente den e celebro, cambio den acticud y funcionamento di e persona. Un malesa cu ta progresivo y na final terminal.

Sea bon bini na nos siguiente Dementie Café CasMarie cual lo tuma lugar riba 25 di juni proximo. Durante e anochi aki nos lo tin 2 charla sumamente interesante. Nos lo combersa cu psicólogo Sabrina Sonnensein tocante e cambionan den actitud relaciona na e síndrome di demencia. Actitud difícil y conseho con pa anda cu esaki lo wordo trata. Despues nos lo toca diferente aspecto medico – ethico cu ta importante pa tene na cuenta. Un persona cu demencia por tene su rijbewijs? Con por yuda cuida e persona pa evita abuso? Con por midi calidad di bida y kico por dicidi finalmente tocante aspectonan medico?

Fecha: 25 di juni 2015
Orario: 7.00 pm – 9.00 pm
Lugar: CasMarie , Savaneta 532-A
Tema: – cambio den actitud , con por anda cu esaki. -aspecto medico – ethico después di diagnosis

Tardi of trempan cualkier di nos por haya nos mes confronta cu e dificultadnan aki, sea den nos seno familiar…of cerca nos mes. Pa mas informacion por tuma contacto cu CasMarie na # 5696910. Tambe por bishita nos pagina di Facebook Dementie Café CasMarie of nos website www.casmarie.com.

Pasa libremente, experencia, scucha y combersa. Ban haci un diferencia………….Hunto nos lo logra!