CasMarie ta brinda un anochi di información tocante demencia riba diaweps 25 di september proximo. Mas y mas nos ta realisa cu e impacto di e síndrome aki ta enorme, cu e ta un malesa progresivo y ta afecta hopi mas cu djies e famia di mas cerca. Ta hopi importante pa nos por reconoce e señalnan y nos ta na altura di e consehonan y posibilidadnan cu tin aki na Aruba na momento cu un persona wordo diagnostica cu e syndroma di demencia. Di e manera aki nos por mantene e calidad di bida lo mas halto posibel. Sosten na e familiarnan ta hopi importancia y sigur un factor cu mester tuma na serio. Pa cualkier pregunta tocante e syndrome aki y guia con pa anda mihor cu un persona cu tin demencia semper por acudi na fundacion CasMarie. Si ta desea di hasi uso di servicionan di CasMarie of si ta desea di haya mas informacion por tuma contacto libremente na number 5696910.

Durante nos proximo Dementie Café CasMarie nos lo combersa cu e miembronan di e plataforma Demencia Aruba. Bin será conoci y wordo informa cual ta e meta di e plataforma aki y di ki manera e plataforma ta activo na es momento. E plataforma ta consisti di miembro di SABA (casnan di cuido), WGK, CasMarie, DSZ (departamento di asunto social). E anochi aki lo brinda e oportunidad pa comparti cu e plataforma e posible preocupashon cu por tin ora ta trata di demencia na aruba. Tambe tin oportunidad pa hasi pregunta ja cu lo tin diferente persona presenta cu amplio experecia den e cuido pa demencia aki na Aruba.

Pa mas informacion por jama number 5696910 of bishita nos pagina di Facebook Dementie Café CasMarie.

Dia: 25 di september 2014
Orario: 7.00 pm – 9.00 pm
Lugar: CasMarie, Savaneta 532-A
Tema: información di plataforma Demencia Aruba

Nos ta spera di topa cu bo persona y por yama bo bon bini riba e anochi informativo aki cu lo ta sigur uno valioso. Pasa libremente, experencia, scucha y combersa. Ban haci un diferencia………….Hunto nos lo logra!