CasMarie ta brinda un anochi di información riba diaweps proximo 27 di maart. Nos sa cu e impacto di e syndroma di demencia ta enorme y ta afecta hopi mas cu djies e famia di mas cerca. Importante ta pa nos por reconoce e señalnan y nos ta na altura di e consehonan y posibilidadnan cu tin aki na Aruba ora un persona wordo diagnostica cu e syndroma di demencia. Pa cualkier pregunta tocante e syndroma aki y guia con pa anda mihor cu un persona cu tin demencia semper por acudi na fundacion CasMarie. Si ta desea di hasi uso di servicionan di CasMarie of si ta desea di haya mas informacion por tuma contacto libremente na number 5696910

Durante nos proximo Dementie Café CasMarie nos lo combersa cu 2 profeshonal tocante cambio den e actitud y funcionamento di persona cu demencia. E prome charla lo ta cu dokter / specialista Earl Joanns (Specialist Ouderen Geneeskunde) y nos lo trata e tema di e punto di visat di un medico. Nos segundo charla lo ta cu psychologo Sabrina Sonnensein y nos lo amplia riba e symptoma di desorientashon.

E anochi aki lo bira sigur un anochi jena cu hopi informashon valioso y tips nan practico. Pa asina na final di e anochi tur presente lo sinti nan mes reforsa y anima pa sigui cu e cuido na cas.

Pa mas informacion por bel number 5696910 of bishita nos pagina di Facebook Dementie Café CasMarie.

Dia: 27 di maart 2014
Orario: 7.00 pm – 9.00 pm
Lugar: CasMarie, Savaneta 532-A
Tema: cambio den actitud y funcionamento

Nos ta spera di topa cu bo persona y por yama bo bon bini riba e anochi aki cu lo ta uno hopi special. Pasa libremente, experencia, scucha y combersa. Ban haci un diferencia. Hunto nos lo logra!