CasMarie ta brinda un anochi di información riba diaweps 26 di juni. E impacto di e syndroma di demencia ta enorme y ta afecta hopi mas cu djies e famia di mas cerca. Según e organisashon mundial di salud (WHO) Demencia por wordo considera como un di e retonan mas grandi riba e tereno social di siglo 21. Ta hopi importante pa nos por reconoce e señalnan y nos ta na altura di e consehonan y posibilidadnan cu tin aki na Aruba ora un persona wordo diagnostica cu e syndroma di demencia. Pa cualkier pregunta tocante e syndroma aki y guia con pa anda mihor cu un persona cu tin demencia semper por acudi na fundacion CasMarie. Si ta desea di hasi uso di servicionan di CasMarie of si ta desea di haya mas informacion por tuma contacto libremente na number 5696910
Durante nos proximo anochi diDementie Café CasMarie nos lo combersa cu 2 profeshonal y nos lo toca e tema lifestyle y demencia. E prome charla lo ta cu sra. M.Sc. Shardea Croes cu ta specialisa riba e tereno di sport pa hendenan cu un desabilidad caminda cu nos lo enfatisa e conexión entre demencia y moveshon.
Nos segundo charla lo ta Dr. sr. Carlos Viana cu ta specialisa riba tereno di nutrishon y nos lo amplia riba uso di suplemento cerca persona cu demencia.
E anochi aki lo bira sigur un anochi jena cu hopi informashon valioso y tips nan practico. Pa asina na final di e anochi tur presente lo sinti nan mes reforsa y anima pa sigui cu e cuido na cas.
Pa mas informacion por jama na number 5696910 of bishita nos pagina di Facebook Dementie Café CasMarie.
Dia: 26 di juni 2014
Orario: 7.00 pm – 9.00 pm
Lugar: CasMarie, Savaneta 532-A (dilanti di entrada di Marinierskazerne)
Nos ta spera di topa cu bo persona y por yama bo bon bini riba e anochi aki cu lo ta uno hopi special. Pasa libremente, experencia, scucha y combersa. Ban haci un diferencia. Hunto nos lo logra!
