Kico ta un Demencia Vascular?
Demencia vascular ta wordo causa dor di daño den celebro cu ta incurabel y den cual celnan den diferente parti di e celebro ta stop di funshona y a degenera. E causa ta mayoría vez daño dor cu e circulación di sanger den e celebro no ta optimal. E persona a hanja un of mas stroke / CVA, cual e acumulación di e daño ta resulta den un demencia. Manera tur demencia e demencia vascular tambe ta incurabel y progresivo. Algun symptoma ta: problema cu memoria, cambio den personalidad, desorientashon, dificultad pa expresa verbalmente / uso di idioma. E cambionan den funcionamento ta relata na e parti den e celebro caminda tin e daño. Algo hopi typico ta cu e actitud di un persona cu un demencia vascular por fluctua hopi. Tin dia y tin momento cu e por ta hopi mas mihor y alerto cu otro.
Pa motibo cu e demencia ta avanza según e persona hanja mas daño den e celebro/ stroke no ta posibel pa bisa den cuanto tempo of con liher e malesa aki lo desaroya. Importante ta pa tene e riesgo pa mas stroke lo mas abou posibel dor di tene entre otro e presion abou y tene e sanger fini. Si doctor of specialista prescribi remedi un ta importante pa mantene esaki conscientemente. Trata di evita di lugarnan of situacionan cu ta crea stress cerca e persona. Keda lo mas activo posibel, practica movecion y mantene un bon alimentación. Participacion na un centro di actividad ta un recomendación.
